പെരുമ്പടപ്പിൽ പെൻഷൻ ദിനാചരണം: സാഹിത്യകാരൻ എ.പി. ശ്രീധരൻ മാസ്റ്റർ ഉദ്ഘാടനം ചെയ്തു

പെരുമ്പടപ്പിൽ പെൻഷൻ ദിനാചരണം: സാഹിത്യകാരൻ എ.പി. ശ്രീധരൻ മാസ്റ്റർ ഉദ്ഘാടനം ചെയ്തു

കേരള സ്റ്റേറ്റ് സർവ്വീസ് പെൻഷനേഴ്സ് യൂണിയൻ (KSSPU) പെരുമ്പടപ്പ് ബ്ലോക്ക് കമ്മറ്റിയുടെ ആഭിമുഖ്യത്തിൽ വിപുലമായ പരിപാടികളോടെ പെൻഷൻ ദിനം ആചരിച്ചു. മൂക്കുതല ചിത്രൻ നമ്പൂതിരി സ്മാരക പെൻഷൻ ഭവനിൽ നടന്ന സമ്മേളനം പ്രമുഖ സാഹിത്യകാരൻ എ.പി. ശ്രീധരൻ മാസ്റ്റർ ഉദ്ഘാടനം ചെയ്തു.

1982 ഡിസംബർ 17-ലെ സുപ്രീം കോടതിയുടെ ചരിത്രപരമായ വിധി ഉയർത്തിപ്പിടിച്ചാണ് എല്ലാ വർഷവും ഈ ദിനം പെൻഷൻ ദിനമായി ആചരിക്കുന്നത്. 'നകാര കേസിൽ' പെൻഷൻ എന്നത് സർക്കാരിന്റെ വെറുമൊരു ഔദാര്യമല്ലെന്നും, മറിച്ച് ജീവനക്കാരുടെ നിയമപരമായ അവകാശമാണെന്നും കോടതി പ്രഖ്യാപിച്ചിരുന്നു. ഈ സുപ്രധാന വിധിയുടെ അനുസ്മരണമായിരുന്നു ചടങ്ങിലെ പ്രധാന വിഷയം.

പെരുമ്പടപ്പ് ബ്ലോക്ക് പ്രസിഡന്റ് ഇ. ഉണ്ണിമാധവൻ ചടങ്ങിൽ അദ്ധ്യക്ഷത വഹിച്ചു. ബ്ലോക്ക് സെക്രട്ടറി വി.വി. ഭരതൻ സ്വാഗതം ആശംസിച്ചു. നന്നംമുക്ക് യൂണിറ്റ് സെക്രട്ടറി പി.എൻ. കൃഷ്ണമൂർത്തി, യൂസഫ് മാസ്റ്റർ (മാറഞ്ചേരി യൂണിറ്റ്), കൃഷ്ണൻ പോറ്റി (വെളിയങ്കോട് യൂണിറ്റ്), അബ്ദു മാസ്റ്റർ (പെരുമ്പടപ്പ്), മുഹമ്മദ് മാസ്റ്റർ, ജില്ലാ കമ്മറ്റി മെമ്പർ പ്രകാശൻ, കെ. കൃഷ്ണദാസ് എന്നിവർ പരിപാടിയിൽ സംസാരിച്ചു.

🇷‌🇪‌🇦‌🇱‌ 🇲‌🇪‌🇩‌🇮‌🇦‌

*ഒരു ദേശത്തിൻ്റെ ശബ്ദം*

കൂടുതല്‍ വാർത്തകൾക്കും വിശേഷങ്ങൾക്കും

*ഗ്രൂപ്പിൽ അംഗമാകാൻ👇*

https://chat.whatsapp.com/EEGbt7kn3lJGPdFhXZC4OG?mode=ems_copy_t

*YouTube:* https://www.youtube.com/realmediachannel

*Facebook*: https://www.facebook.com/realmediachannel/

*Website:* www.realmediachannel.com' '