വ്യാജ പ്രചരണങ്ങൾക്കെതിരെ സി.പി.ഐ(എം) മാറഞ്ചേരി ലോക്കൽ കമ്മിറ്റി രംഗത്ത്

വ്യാജ പ്രചരണങ്ങൾക്കെതിരെ സി.പി.ഐ(എം) മാറഞ്ചേരി ലോക്കൽ കമ്മിറ്റി രംഗത്ത്

കഴിഞ്ഞ നിയമസഭാ തെരഞ്ഞെടുപ്പ് ഫലം വന്നതിനു പിന്നാലെ മാറഞ്ചേരി പഞ്ചായത്തിൽ സി.പി.ഐ(എം) ലോക്കൽ കമ്മിറ്റി മുൻ അംഗത്തിന്റെ നേതൃത്വത്തിൽ മധുരപലഹാര വിതരണം നടത്തിയെന്ന രീതിയിൽ പ്രചരിക്കുന്ന വാർത്തകൾ പൂർണ്ണമായും തെറ്റാണെന്ന് പാർട്ടി ലോക്കൽ കമ്മിറ്റി അറിയിച്ചു. സോഷ്യൽ മീഡിയ വഴിയും ചില മാധ്യമങ്ങൾ വഴിയും സി.പി.ഐ(എം) പ്രവർത്തകർ തെരഞ്ഞെടുപ്പ് വിജയത്തിൽ ആഹ്ലാദം പ്രകടിപ്പിച്ചു എന്ന നിലയിലാണ് വാർത്തകൾ പ്രചരിച്ചത്. എന്നാൽ, വാർത്തകളിൽ പറയുന്ന അബ്ദുറഹ്മാൻ എന്ന വ്യക്തി ഇതുവരെ സി.പി.ഐ(എം)-ന്റെ ഒരു ഘടകത്തിലും അംഗമായിരുന്നിട്ടില്ലെന്ന് പാർട്ടി ഭാരവാഹികൾ വ്യക്തമാക്കി.

പഞ്ചായത്ത് അധികൃതരും യു.ഡി.എഫും ചേർന്ന് ബോധപൂർവം വ്യാജവാർത്തകൾ ചമച്ച് പാർട്ടിയെ അപകീർത്തിപ്പെടുത്താൻ ശ്രമിക്കുകയാണെന്ന് നേതാക്കൾ ആരോപിച്ചു. പഞ്ചായത്ത് പ്രസിഡന്റിന്റെ സോഷ്യൽ മീഡിയ പേജുകൾ വഴി ഇത്തരത്തിലുള്ള വ്യാജ ചിത്രങ്ങളും കുറിപ്പുകളും വ്യാപകമായി പ്രചരിപ്പിക്കുന്നത് അപലപനീയമാണ്. ഔദ്യോഗിക പദവികൾ ദുരുപയോഗം ചെയ്ത് ജനങ്ങളെ തെറ്റിദ്ധരിപ്പിക്കാനുള്ള നീക്കങ്ങളിൽ നിന്ന് അധികൃതർ പിന്തിരിയണമെന്നും, ഇത്തരം തെറ്റായ നടപടികൾ തിരുത്തിയില്ലെങ്കിൽ ശക്തമായ പ്രതിഷേധ പരിപാടികളുമായി മുന്നോട്ട് പോകുമെന്നും സി.പി.ഐ(എം) മാറഞ്ചേരി ലോക്കൽ കമ്മിറ്റി വാർത്താസമ്മേളനത്തിൽ അറിയിച്ചു. ഈ വിഷയത്തിൽ പാർട്ടിക്കും അണികൾക്കും യാതൊരു വിധത്തിലുള്ള ആശങ്കയുമില്ലെന്നും സത്യാവസ്ഥ ജനങ്ങൾ തിരിച്ചറിയണമെന്നും നേതാക്കൾ കൂട്ടിച്ചേർത്തു.

🇷‌🇪‌🇦‌🇱‌ 🇲‌🇪‌🇩‌🇮‌🇦‌

*ഒരു ദേശത്തിൻ്റെ ശബ്ദം*

കൂടുതല്‍ വാർത്തകൾക്കും വിശേഷങ്ങൾക്കും

*ഗ്രൂപ്പിൽ അംഗമാകാൻ👇*

https://chat.whatsapp.com/EEGbt7kn3lJGPdFhXZC4OG?mode=ems_copy_t

*YouTube:* https://www.youtube.com/realmediachannel

*Facebook*: https://www.facebook.com/realmediachannel/

*Website:* www.realmediachannel.com' '