മാറഞ്ചേരിയിലെ മെമ്പർമാരുടെ പ്രതിഷേധം പോലീസ് അറസ്റ്റ് ചെയ്ത് നീക്കി

മാറഞ്ചേരിയിൽ യു.ഡി.എഫ്. അംഗങ്ങളുടെ പ്രതിഷേധം; പോലീസ് അറസ്റ്റ് ചെയ്ത് നീക്കി

തെരുവുനായ ശല്യം രൂക്ഷമാകുന്നതിലും തെരുവ് വിളക്കുകൾ പ്രകാശിക്കാത്തതിലും പ്രതിഷേധിച്ച് മാറഞ്ചേരി പഞ്ചായത്തിൽ യു.ഡി.എഫ്. നടത്തിയ മെഴുകുതിരി പ്രതിഷേധ പ്രകടനം പോലീസ് അറസ്റ്റ് ചെയ്ത് നീക്കി. പഞ്ചായത്ത് ഭരണസമിതിയുടെ അനാസ്ഥയ്‌ക്കെതിരെയാണ് യു.ഡി.എഫ്. അംഗങ്ങൾ പ്രതിഷേധവുമായി രംഗത്തെത്തിയത്.

യു.ഡി.എഫ്. മെമ്പർമാരായ ഷിജിൽ മുക്കാല, ടി. മാധവൻ, അബ്ദുൽ ഗഫൂർ, ഉബൈദ്, സംഗീതരാജൻ, അഡ്വ. കെ.എ. ബക്കർ, സുലൈഖ, ഹിളർ കാഞ്ഞിരമുക്ക് എന്നിവരാണ് പ്രതിഷേധത്തിന് നേതൃത്വം നൽകിയത്.

തെരുവുനായ ആക്രമണങ്ങൾ വർധിക്കുകയും പലയിടത്തും തെരുവ് വിളക്കുകൾ പ്രവർത്തനരഹിതമാകുകയും ചെയ്യുന്നത് ജനജീവിതം ദുസ്സഹമാക്കുന്നുവെന്ന് പ്രതിഷേധക്കാർ ആരോപിച്ചു. ഈ പ്രശ്നങ്ങൾക്ക് അടിയന്തര പരിഹാരം കാണണമെന്ന് ഇവർ ആവശ്യപ്പെട്ടു. പ്രതിഷേധം കണക്കിലെടുത്ത് പെരുമ്പടപ്പ് പോലീസ് സ്ഥലത്തെത്തി യു.ഡി.എഫ്. മെമ്പർമാരെ അറസ്റ്റ് ചെയ്ത് നീക്കുകയായിരുന്നു. വരുംദിവസങ്ങളിലും യു.ഡി.എഫ്. പ്രതിഷേധവുമായി മുന്നോട്ട് പോകുമെന്നും അവർ വ്യക്തമാക്കി.

🇷‌🇪‌🇦‌🇱‌ 🇲‌🇪‌🇩‌🇮‌🇦‌

*ഒരു ദേശത്തിൻ്റെ ശബ്ദം*

കൂടുതല്‍ വാർത്തകൾക്കും വിശേഷങ്ങൾക്കും

*ഗ്രൂപ്പിൽ അംഗമാകാൻ👇*

https://chat.whatsapp.com/FlFXxG7VmlUIyphgPW0zaw

*YouTube:* https://www.youtube.com/realmediachannel

*Facebook*: https://www.facebook.com/realmediachannel/

*Website:* www.realmediachannel.com'