ആർ ജെ ഡിയുടെ ആവശ്യത്തിന് മന്ത്രിയുടെ പച്ചക്കൊടി അയിരൂർറോഡിലൂടെ കെഎസ്ആർടിസി ട്രയൽറൺ നടത്തി

ആർ ജെ ഡിയുടെ ആവശ്യത്തിന് മന്ത്രിയുടെ പച്ചക്കൊടി അയിരൂർറോഡിലൂടെ കെഎസ്ആർടിസി ട്രയൽറൺ നടത്തി

ഗുരുവായൂരിൽ നിന്ന് പൊന്നാനിയിലേക്കുള്ള കെ.എസ്.ആർ.ടി.സി. ബസ് സർവീസിനായി അയിരൂർ വഴി ട്രയൽ റൺ വിജയകരമായി പൂർത്തിയാക്കി. ആർ.ജെ.ഡി. പെരുമ്പടപ്പ് പഞ്ചായത്ത് കമ്മിറ്റിയുടെ നേതൃത്വത്തിൽ ഗതാഗത മന്ത്രിക്കും ഉദ്യോഗസ്ഥർക്കും നൽകിയ നിവേദനത്തിന്റെ അടിസ്ഥാനത്തിലാണ് ഈ നടപടി.

ഗുരുവായൂരിൽ നിന്ന് പുറപ്പെട്ട് ആൽത്തറ, പുത്തൻപള്ളി, പാറ എന്നിവിടങ്ങളിലൂടെ അയിരൂർ വഴി പൊന്നാനിയിലെത്തുന്ന രീതിയിലായിരുന്നു ട്രയൽ റൺ. ഈ റൂട്ടിൽ കെ.എസ്.ആർ.ടി.സി. സർവീസ് ആരംഭിക്കുകയാണെങ്കിൽ പ്രദേശത്തെ നിരവധി ആളുകൾക്ക് അത് വലിയ പ്രയോജനകരമാകും.

കെ.എസ്.ആർ.ടി.സി. ഗുരുവായൂർ ഡി.ടി.ഒ. രാധാകൃഷ്ണൻ, ഇൻസ്പെക്ടർ നിപു കെ.കെ., അസിസ്റ്റന്റ് ഡിപ്പോ എൻജിനീയർ എ.ടി. സജിത്ത് എന്നിവരുടെ നേതൃത്വത്തിലാണ് ട്രയൽ റൺ നടത്തിയത്. ആർ.ജെ.ഡി. മലപ്പുറം ജില്ലാ കമ്മിറ്റി അംഗം അയിരൂർ മുഹമ്മദാലി ട്രയൽ റണ്ണിന് ഒപ്പമുണ്ടായിരുന്നു. 

ഈ റൂട്ടിൽ ബസ് സർവീസ് ആരംഭിക്കുന്നതോടെ യാത്രാസൗകര്യം വർദ്ധിക്കുകയും പ്രദേശവാസികളുടെ ദീർഘകാല ആവശ്യത്തിന് പരിഹാരമാവുകയും ചെയ്യുമെന്നാണ് പ്രതീക്ഷിക്കുന്നത്.

🇷‌🇪‌🇦‌🇱‌ 🇲‌🇪‌🇩‌🇮‌🇦‌

*ഒരു ദേശത്തിൻ്റെ ശബ്ദം*

കൂടുതല്‍ വാർത്തകൾക്കും വിശേഷങ്ങൾക്കും

*ഗ്രൂപ്പിൽ അംഗമാകാൻ👇*

https://chat.whatsapp.com/FlFXxG7VmlUIyphgPW0zaw

*YouTube:* https://www.youtube.com/realmediachannel

*Facebook*: https://www.facebook.com/realmediachannel/

*Website:* www.realmediachannel.com'