കേരളീയ വാദ്യ പാരമ്പര്യം കവർചിത്രം പ്രകാശനം ചെയ്തു

കേരളീയ വാദ്യ പാരമ്പര്യം കവർചിത്രം പ്രകാശനം ചെയ്തു

നാനൂറ് വർഷം മുൻപ് ജനിച്ച് വാദ്യകലക്കായി ജീവിച്ചു മരിച്ചവർ മുതൽ ഇളം തലമുറയിലെ അറിയപ്പെടുന്ന കലാകാരൻമാരടക്കമുള്ളവരുടെ വിവരങ്ങളിനി വിരൽത്തുമ്പിൽ. എടപ്പാൾ സോപാനം സ്‌കൂൾ ഓഫ് പഞ്ചവാദ്യം നാലു വർഷത്തെ കഠിന സപര്യയിലൂടെയും ഗവേഷണത്തിലൂടെയും കണ്ടെത്തിയ കലാകാരൻമാരുടെ ചരിത്രവും ചിത്രങ്ങളുമടക്കമുള്ള മൂന്നു വാള്യങ്ങളുള്ള പുസ്തകത്തിന്റെ പണി പൂർത്തിയായി. മുഖചിത്രത്തിന്റെ പ്രകാശനം സംഗീത നാടക അക്കാദമി ചെയർമാൻ മട്ടന്നൂർ ശങ്കരൻകുട്ടി മാരാർ, സെക്രട്ടറി കരിവള്ളൂർ മുരളി, പഞ്ചവാദ്യകലാകാരൻ കരിയന്നൂർ നാരായണൻ നമ്പൂതിരി എന്നിവർ ചേർന്ന് പുറത്തിറക്കി. ത ക്കി ട്ട -കേരളീയ വാദ്യ പാരമ്പര്യം എന്ന പേരിലാണ് 3000-ത്തോളം പേജുള്ള പുസ്തകം തയ്യാറാക്കിയിട്ടുള്ളത്.

ഷഡ്കാല ഗോവിന്ദമാരാരുടെ കാലഘട്ടത്തിൽ നിന്നാരംഭിച്ച് കാസർകോട് മുതൽ തിരുവനന്തപുരം വരെയുള്ള പ്രദേശങ്ങളിൽ ജീവിച്ച് മരിച്ചവരും ഇപ്പോൾ രംഗത്തുള്ളവരുമായ 13000-ത്തോളം കലാകാരൻമാരുടെ വിവരങ്ങളെല്ലാമടങ്ങിയതാണ് പുസ്തകം. ഇവരുടെ ജനനം, വിദ്യാഭ്യാസം, വാദ്യകലാ രംഗത്തെ സംഭാവനകൾ, പുരസ്‌കാരങ്ങൾ, കുടുംബം തുടങ്ങി ഗവേഷണ വിദ്യാർഥികൾക്കും കലാപ്രേമികൾക്കുമെല്ലാം ഉപയുക്തമായ പുസ്തകമാണ് തക്കിട്ട.

പഞ്ചവാദ്യത്തിലുപയോഗിക്കുന്ന തിമില, മദ്ദളം, ഇടയ്ക്ക, കൊമ്പ്, ഇലത്താളം, കുറുംകുഴൽ, തായമ്പകയിലെ ചെണ്ട, സോപാന സംഗീതം എന്നീ വിഭാഗങ്ങളിലെ ഉപകരണങ്ങളിലെ കലാകാരൻമാരെല്ലാം പുസ്തകത്തിലുണ്ട്.

ചടങ്ങിൽ സോപാനം സ്‌കൂൾ ഓഫ് പഞ്ചവാദ്യം ഡയറക്ടറും പുസ്തകത്തിന്റെ എഡിറ്ററുമായ സന്തോഷ് ആലങ്കോട് അധ്യക്ഷനായി. പുസ്തകത്തിന്റെ അണിയറ പ്രവർത്തകരായ കുറുങ്ങാട് വാസുദേവൻ നമ്പൂതിരി, ഉണ്ണി ശുകപുരം, അരുൺ അരവിന്ദ്, പ്രകാശ് മഞ്ഞപ്ര, സംഗീത നാടക അക്കാദമി വൈസ് ചെയർമാൻ പുഷ്പലത, ഫ്രാൻസിസ് ടി.മാവേലിക്കര, സിന്ധു ദിവാകരൻ, സബിത സുധീഷ്‌,രാജേഷ് പുതുമന, വിനോദ് കണ്ടേങ്കാവിൽ, ശുഭ എന്നിവർ പ്രസംഗിച്ചു.

🇷‌🇪‌🇱‌ 🇲‌🇪‌🇩‌🇮‌🇦‌

*ഒരു ദേശത്തിന്‍റെ ശബ്ദം*

കൂടുതല്‍ വാർത്തകൾക്കും വിശേഷങ്ങൾക്കും

*⭕വാട്സ്ആപ്പ് ചാനൽ ഫോളോ ചെയ്യുക ⭕*

*https://whatsapp.com/channel/0029Va8m8k117Emn6EE5pL11*

*ഗ്രൂപ്പിൽ അംഗമാകാൻ👇*

https://chat.whatsapp.com/GmPfhSxyDC68doCejgGqum

*YouTube:* https://www.youtube.com/realmediachannel

*Facebook*: https://www.facebook.com/realmediachannel/

*Website:* www.realmediachannel.com