അജ്മാന്‍: ഡ്രൈവറില്ലാത്ത അത്യാധുനിക വാഹനം അവതരിപ്പിച്ച്‌ അജ്മാന്‍. വിനോദ സഞ്ചാരികളെ അവരുടെ താമസകേന്ദ്രങ്ങളില്‍ നിന്നെടുത്ത് അജ്മാനിലെ പുറം കാഴ്ചകള്‍ കാണിക്കാന്‍ കൊണ്ടുപോകും ഈ വാഹനം. 5ജി സാങ്കേതികവിദ്യയും അതിവേഗ ഇന്‍റര്‍നെറ്റും ഇതില്‍ സജ്ജീകരിച്ചിരിച്ചിട്ടുണ്ട്. അജ്മാന്‍ നഗരസഭ ആസൂത്രണ വകുപ്പാണ് ഇത്തിസാലാത്തി‍െന്‍റ സഹകരണത്തോടെ വാഹനം അവതരിപ്പിച്ചിരിക്കുന്നത്.
യു.എ.ഇയുടെ സുവര്‍ണ ജൂബിലിയോടനുബന്ധിച്ച 50 പദ്ധതികള്‍ക്കനുസരിച്ചും അജ്മാെന്‍റ അടിസ്ഥാന വികസന മേഖലയിലെ മുന്നേറ്റത്തിെന്‍റ അടയാളപ്പെടുത്തലായുമാണ് ഈ വാഹനം നിരത്തിലിറക്കിയിരിക്കുന്നത്. എമിറേറ്റ്‌ ആര്‍ട്ടിഫിഷ്യല്‍ ഇന്‍റലിജന്‍സ് സാങ്കേതിക വിദ്യയടക്കം പരമാവധി ഉപയോഗപ്പെടുത്തുന്നതിെന്‍റ മാതൃക കൂടിയാണ് ഡ്രൈവറില്ലാത്ത വാഹനം.
അജ്മാനിലെത്തുന്ന വിനോദ സഞ്ചാരികള്‍ക്ക് പ്രധാന കേന്ദ്രങ്ങള്‍ സന്ദര്‍ശിക്കുന്നതിന് തങ്ങളുടെ താമസകേന്ദ്രങ്ങളില്‍ നിന്നും ഈ വാഹനത്തില്‍ യാത്ര ചെയ്യാന്‍ കഴിയും. അജ്മാന്‍ നഗരസഭ ആസൂത്രണ വിഭാഗം ചെയര്‍മാന്‍ ശൈഖ് റാഷിദ് ബിന്‍ ഹുമൈദ് അല്‍ നുഐമി വാഹനം ഉദ്ഘാടനം ചെയ്തു. സുപ്രധാനവും വിശിഷ്ടവുമായ ഈ പദ്ധതി മിഡില്‍ ഈസ്റ്റില്‍ ആദ്യമായാണ് നടപ്പാക്കുന്നതെന്ന് ഇത്തിസലാത്ത് നോര്‍ത്തേണ്‍ എമിറേറ്റ്സ് ജനറല്‍ മാനേജര്‍ അബ്ദുല്‍ അസീസ് ഹമദ് തര്യം പറഞ്ഞു.
5ജി സാങ്കേതികവിദ്യയുടെ സഹായത്താല്‍ മുഖം തിരിച്ചറിയല്‍ സജ്ജീകരണങ്ങളും ഈ വാഹനത്തിെന്‍റ സവിശേഷതയാണ്. വാഹനത്തിലെ യാത്രക്കാര്‍ക്ക് അതിവേഗ വൈഫൈ ആക്സസ് നല്‍കുന്നുണ്ട്. സമര്‍ഥവും വികസിതവുമായ ഗതാഗത മാര്‍ഗങ്ങള്‍ പ്രദാനം ചെയ്യുന്നതിനായി കഴിഞ്ഞ മൂന്നു മാസങ്ങളായി നടന്ന തുടര്‍ച്ചയായ പ്രവര്‍ത്തനത്തിെന്‍റ ഫലമാണ് വാഹനമെന്ന് അജ്മാന്‍ കള്‍ച്ചര്‍ സെന്‍റര്‍ ഡയറക്ടര്‍ ശൈഖ നൂറ അല്‍ നുഐമി പറഞ്ഞു.
വിവിധ തരത്തിലുള്ള യാത്രക്കാര്‍ക്ക് അനുയോജ്യമായ രീതിയിലാണ് ഈ വാഹനം രൂപകല്‍പന ചെയ്തിരിക്കുന്നത്. 15 പേര്‍ക്ക് യാത്ര ചെയ്യാനുതകും വിധം വിശാലമാണ് ഇതിെന്‍റ അകം. അജ്മാന്‍ ഹോട്ടല്‍ മുതല്‍ അല്‍ ബര് വേ റൗണ്ട് എബൗട്ട് വരെയും തിരികെ നഗരത്തിലെ പ്രധാനകേന്ദ്രങ്ങളിലേക്കും ഈ വാഹനം ദിവസവും പ്രവര്‍ത്തിക്കും.
0 Comments