ചേന്നമംഗലം എ എൽ പി സ്കൂളിൽ ലോക അറബിക് ഭാഷാ ദിനം ആഘോഷിച്ചു

ചേന്നമംഗലം എ എൽ പി സ്കൂളിൽ ലോക അറബിക് ഭാഷാ ദിനം ആഘോഷിച്ചു

ഐക്യരാഷ്ട്ര സംഘടനയുടെ ആഭിമുഖ്യത്തിലുള്ള ലോക അറബിക് ഭാഷാ ദിനാചരണത്തിന്റെ ഭാഗമായി ചേന്നമംഗലം എ എൽ പി സ്കൂളിൽ സംഘടിപ്പിച്ച സംഗമം പ്രൗഢമായി.

ലോകത്തിന്റെ വിവിധ ഭാഗങ്ങളിൽ സംസാരിക്കപ്പെടുന്ന അറബി ഭാഷയുടെ പ്രാധാന്യവും ചരിത്രപരമായ സവിശേഷതകളും വിളിച്ചോതുന്നതായിരുന്നു സ്കൂളിൽ നടന്ന പരിപാടികൾ.

സ്കൂൾ പ്രധാനാധ്യാപകൻ സക്കീർ ഹുസൈൻ ദിനാചരണ പരിപാടികൾ ഉദ്ഘാടനം ചെയ്തു. മധ്യകാലഘട്ടത്തിൽ വിജ്ഞാനത്തിന്റെയും ശാസ്ത്രത്തിന്റെയും ഔദ്യോഗിക ഭാഷയായിരുന്നു അറബിക് എന്ന് അദ്ദേഹം ചൂണ്ടിക്കാട്ടി.

 ചരിത്രപരമായും സാഹിത്യപരമായും നിരവധി സംഭാവനകൾ അറബി ഭാഷ മാനവരാശിക്ക് നൽകിയിട്ടുണ്ട്. ആധുനിക കാലത്തെ ആഗോള സമ്പദ്ഘടനയെ സ്വാധീനിക്കുന്നതിൽ അറബി ഭാഷയ്ക്കുള്ള പങ്ക് വലുതാണെന്നും അദ്ദേഹം കൂട്ടിച്ചേർത്തു.

പി ടി എ പ്രസിഡന്റ് ബിബിന ചടങ്ങിൽ അധ്യക്ഷത വഹിച്ചു. വിവിധ ലോക ഭാഷകളെക്കുറിച്ചും അവയുടെ സാംസ്‌കാരിക പശ്ചാത്തലത്തെക്കുറിച്ചും അദ്ദേഹം വിദ്യാർത്ഥികളുമായി സംവദിച്ചു. അറബിക് അധ്യാപിക നദീറ വി. മുഖ്യപ്രഭാഷണം നടത്തി. ഭാഷാപരമായ വൈവിധ്യങ്ങൾ വിദ്യാർത്ഥികൾക്ക് പരിചയപ്പെടുത്തുന്നതിനും അറബി ഭാഷയുടെ അന്താരാഷ്ട്ര പ്രസക്തി ബോധ്യപ്പെടുത്തുന്നതിനും ഇത്തരം ദിനാചരണങ്ങൾ സഹായിക്കുമെന്ന് അധ്യാപകർ അഭിപ്രായപ്പെട്ടു.

ചടങ്ങിൽ നിമിഷ, ഷൈബി വി ജെ, ജിൻസി ജോസ്, സിജി തോമസ്, ബിൻസില എ, സൂര്യ പി എസ്, ജിനി കെ വി എന്നിവർ സംസാരിച്ചു. വിദ്യാർത്ഥികളുടെ വിവിധ കലാപരിപാടികളും ദിനാചരണത്തിന്റെ ഭാഗമായി നടന്നു.

🇷‌🇪‌🇦‌🇱‌ 🇲‌🇪‌🇩‌🇮‌🇦‌

*ഒരു ദേശത്തിൻ്റെ ശബ്ദം*

കൂടുതല്‍ വാർത്തകൾക്കും വിശേഷങ്ങൾക്കും

*ഗ്രൂപ്പിൽ അംഗമാകാൻ👇*

https://chat.whatsapp.com/EEGbt7kn3lJGPdFhXZC4OG?mode=ems_copy_t

*YouTube:* https://www.youtube.com/realmediachannel

*Facebook*: https://www.facebook.com/realmediachannel/

*Website:* www.realmediachannel.com' '