ടിയാർസി സ്മാരക പുരസ്‌കാരം വിദ്യാധരൻ മാസ്റ്റർക്ക്; ഞായറാഴ്ച പനമ്പാട് വെച്ച് സമ്മാനിക്കും

ടിയാർസി സ്മാരക പുരസ്‌കാരം വിദ്യാധരൻ മാസ്റ്റർക്ക്; ഞായറാഴ്ച പനമ്പാട് വെച്ച് സമ്മാനിക്കും

നാടക നടനും സംവിധായകനുമായ ടിയാർസി സ്മാരക പുരസ്‌കാരം സംഗീത സംവിധായകനും പ്രശസ്ത ഗായകനുമായ വിദ്യാധരൻ മാസ്റ്റർക്ക് നൽകുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു. 10,001രൂപയും പ്രശസ്തി പത്രവും ഫലകവും അടങ്ങിയതാണ് പുരസ്‌കാരം. ടിയാർസി കലാ, സാംസ്‌കാരിക വേദിയും റെഡ് പവർ ജിസിസി മാറഞ്ചേരി പഞ്ചായത്ത്‌ കമ്മിറ്റിയും ചേർന്നാണ് ടിയാർസി സ്മാരക പുരസ്‌കാരം നൽകിവരുന്നത്. 

ടിയാർസി അനുസ്മരണ സമ്മേളനവും പുരസ്‌കാര സമർപ്പണവും ഞായറാഴ്ച്ച വൈകുന്നേരം നാലിന് പനമ്പാട് വെസ്റ്റ് നവോദയം വായനശാല പരിസരത്തു നടക്കും. അനുസ്മരണ സമ്മേളനം എൻ കെ അക്ബർ എംഎൽഎ ഉദ്ഘാടനം ചെയ്യും. കേരളാ വഖഫ് ബോർഡ് ചെയർമാൻ അഡ്വ. എം കെ സക്കീർ അനുസ്മരണ പ്രഭാഷണം നടത്തും. നാടക, കലാ മേഖലയിൽ പ്രവർത്തന മികവിനു എ കെ ബാലൻ, ടി എം മുബിഹഖ് എന്നിവരെ ചടങ്ങിൽ ആദരിക്കുകയും ഡോക്ടറേറ്റ് നേടിയ സ്നേഹ മുരളീധരൻ, സൂര്യ പൊറ്റമ്മൽ എന്നിവരെ അനുമോദിക്കുകയും ചെയ്യുമെന്ന് ഭാരവാഹികൾ പറഞ്ഞു.

വന്നേരിനാട് പ്രസ്സ് ഫോറത്തിൽ നടന്ന വാർത്താ സമ്മേളനത്തിൽ അജിത്ത് താഴത്തേൽ, രജീഷ് മമ്മനാട്ടേൽ, ടി രവീന്ദ്രൻ, പി നാരായണൻ, അരവിന്ദൻ മാറഞ്ചേരി എന്നിവർ പങ്കെടുത്തു.

🇷‌🇪‌🇦‌🇱‌ 🇲‌🇪‌🇩‌🇮‌🇦‌

*ഒരു ദേശത്തിൻ്റെ ശബ്ദം*

കൂടുതല്‍ വാർത്തകൾക്കും വിശേഷങ്ങൾക്കും

*ഗ്രൂപ്പിൽ അംഗമാകാൻ👇*

https://chat.whatsapp.com/EEGbt7kn3lJGPdFhXZC4OG?mode=ems_copy_t

*YouTube:* https://www.youtube.com/realmediachannel

*Facebook*: https://www.facebook.com/realmediachannel/

*Website:* www.realmediachannel.com' '